Hang On Sloopy

Sloopy kütt us Kölle
jenau jesaat us Raderthal.
Sloopy is Abteilungsleiterin
beim C & A.
Sloopy singe Typ
sieht us wie John Travolta.
Infolgedessen fink et
singe Typ och wunderbar.
Un deshalb singen se,
hang on Sloopy, Sloopy hang on
hang on Sloopy, Sloopy hang on.

Et fing janz harmlos an,
Samstags ovend in der Discothek.
Der Johnny, der stund an der Thek,
su wie mer do halt steht.
Et Sloopy koom vorbei
em hautenge neue Kleid.
Do hät der Johnny ihr direk
ene Piccolo spendiert.
Un deshalv singen se.
Hang on Sloopy....................

Ohne veel ze schwade,
han die zwei jedanz bis koot no vier.
Do saat der Weet '' Jetz mach ich zoo
sons kütt glich de Schmier ''.
Der Johnny dät die Piccolo bezahle
un sing 14 Bier.
Do säät er : ''Baby loß mer Joon,
du penns dies Nach bei mir''.
Un deshalb jingen se.
Hang on Sloopy....................

Kaum woren se beim Johnny op der Bud,
säät der Johnny su.
Du triks dich ald ens us,
en der Zig jon ich op de Klo.
Dä Johnny schmink sich aff,
dät sing Zäng us un sing Schoo.
Dann komm er en et Bett,
doch et Sloopy sät no, no, no,
äver woröm dann ?
Hang on Sloopy, Sloopy hang on................

Der Johnny frööt : ''Wat es'' ?
Do woot et Sloopy unwahrscheinlich rut.
''In Wirklichkeit, bin ich ne Kääl, Jung,
schlach mich jetz nit dud''.
Der Johnny lach sich halv kapott, un säät''
Do bin ich äver froh,
denn morjens fröh um fünf,
krieg ich meistens nämlich keine hu''.
Un deshalv singen se.
Hang on Sloopy....................